Sendir Britneyju kynlífsleikföng

Hrellirinn sem hvekkt hefur Britneyju Spears undanfarið hefur sent henni kynlífsleikföng í pósti, að því er fregnir herma. Einnig hefur hún fengið send ógnandi og dónaleg bréf, og beðið alríkislögregluna og lögregluna í Los Angeles að sjá til þess að þessum sendingum linni.

„Þetta hófst fyrir einum og hálfum mánuði,“ sagði vinur Britneyjar við bandaríska tímaritið OK! „Svo jókst þetta og núna koma stórir pakkar tvisvar til þrisvar í viku, alltaf á sama heimilisfangið en aldrei á neitt af heimilum Britneyjar.“

Í pökkunum eru „stór, rafhlöðuknúin kynlífsleikföng ... og tvö bréf, annað handskrifað ... hitt útprentað, bæði full af hótunum og dónaskap.“

Heimildamaður tímaritsins greindi ennfremur frá því að í bréfunum væru nákvæmar útlistanir á hugarórum sendandans um Britneyju - og í einum pakkanum hafi verið mynd af hvítum karlmanni á miðjum aldri með fitugt hár, og talið væri að það væri sendandinn.

• 1 blogg um fréttina

Bloggað um fréttina

• Jac Norðquist: Hmmmm