Fjölgun væntanleg í norsku konungsfjölskyldunni

Norska prinsessan Marta Lovísa og eiginmaður hennar Ari Behn eiga von á þriðja barninu, samkvæmt tilkynningu frá norsku konungsfjölskyldunni. Marta Lovísa er elsta barn Haralds V Noregskonungs og Sonju drottningar. Hún er þó ekki ríkisarfi heldur Hákon yngri bróðir hennar. Prinsessan afsalaði sér konunglegum titlum og opinberum lífeyri áður en hún giftist Behn.

Von er á barninu um miðjan október og samkvæmt tilkynningu heilsast væntanlegri móður vel og er ekki von á öðru en að meðgangan gangi vel fyrir sig en fyrir eiga hjónin dæturnar Leah Isadoru og Maud Angelicu.

Tilkynning konungsfjölskyldunnar 

• 1 blogg um fréttina

Bloggað um fréttina

• Ólafur Als: Norræni háaðallinn í fréttum íslenskra fjölmiðla