Ísland fer fyrst á sviðið í forkeppni Eurovision

Eurobandið mun ganga fyrst á sviðið í forkeppni Eurovision í Belgrad í Serbíu í maí en dregið var um röð keppenda í dag. Tvær undankeppnir fara fram, 20. og 22. maí og verður íslenska lagið, This is my life, flutt síðara kvöldið. Aðalkeppnin fer fram 24. maí.

Svíar flytja lag sitt á eftir Íslendingum. Á Eurovisionvefnum esctoday.com segir, að þetta sé athyglisverð röð þar sem þessi tvö lög hafi hlotið góðar viðtökur og þau hafi nokkuð líkt yfirbragð.

Þrjú ríki í hvorri undankeppni  og eitt í úrslitunum voru dregin út og fengu að velja sér hvar í röðinni þau færu á svið. Það kom í hlut Aserbaídjan, Grikklands og Rússlands, sem keppa fyrra undanúrslitakvöldið og seinna kvöldið fá  Makedónía, Portúgal og Danmörk að ráða.

Esctoday.com 

• 2 blogg um fréttina

Bloggað um fréttina

• Anna Guðný : Venjulega betra að vera nr. 1 en nr. 2.
• Stefán Friðrik Stefánsson: Frikki og Regína Ósk fyrst á svið í Belgrad