Mills fær 24,3 milljónir punda
Setja bókamerki
Heather Mills fær 24,3 milljónir punda, tæplega 3,7 milljarða króna, í sinn hlut af eignum Pauls McCartney við skilnað þeirra samkvæmt úrskurði dómara í Lundúnum. Mills staðfesti þetta þegar hún ræddi við fréttamenn utan við dómhúsið í dag. Hún sagðist hafa krafist 125 milljóna punda en McCartney hefði boðið 15,8 milljónir.
Mills fær 16,5 milljónir punda í peningum og 7,8 milljónir punda í eignum. Miðaði dómarinn við að eignir McCartneys næmu um 400 milljónum punda en þær hafa til þessa verið metnar á 826 milljónir pund.
Mills segist ekki ætla að áfrýja niðurstöðunni til æðra dómstigs en ætli að áfrýja þeirri ákvörðun dómarans, að birta úrskurð sinn. Sagði hún, að úrskurðurinn væri mjög ýtarlegur og birting hans bryti í bága við mannréttindareglur, sem tryggðu friðhelgi einkalífs.
Dómarinn birti málsaðilum skriflegan úrskurð sinn í dag en hann var búinn að tilkynna lögmönnum þeirra Mills og McCartney munnlega um niðurstöðuna í síðustu viku.
„Ég er afar, afar ánægð með niðurstöðuna," sagði Mills við blaðamenn. „Ég er svo ánægð með að þessu sé lokið."
McCartney ræddi ekki við fréttamenn þegar hann kom út úr dómhúsinu.
Sjötti ferðamaðurinn er látinn
Dómur þyngdur um þrjú ár
Hótar Bretum og Bandaríkjamönnum
Yfir 300 stæði fóru undir hraun
/frimg/1/53/7/1530787.jpg)
Flogið á milli ljósaskipta
„Höfum sloppið bærilega með skaða af þessu gosi“
Fullvissa ferðamenn um að hér sé öruggt