Hjónabandið verði ógilt

Nýjasti eiginmaður Pamelu Anderson, Rick Salomon - sem virðist sérhæfa sig í skammtímasamböndum við frægar konur - hefur samþykkt að hjónabandið skuli ógilt, samkvæmt skjölum sem lögð voru fram í rétti í Los Angeles í gær.

Pamela fór fram á að hjónabandið yrði ógilt á þeim forsendum að það hafi byggst á blekkingum. Tók Salomon undir það án frekari útskýringa.

Salomon krafðist ekki framfærslu og fór fram á að Pamelu yrði ekki heldur dæmd framfærsla. Salomon hefur unnið sér það helst til frægðar að búa til alræmt kynlífsmyndband með Parísi Hilton.

Pamela og Salomon giftu sig í Las Vegas 6. október í fyrra, en skildu að borði og sæng 13. desember.

• 2 blogg um fréttina

Bloggað um fréttina

• Gísli Foster Hjartarson: Það þarf að kynna þetta fólk fyrir...
• Snorri Bergz: Endast sílíkonsamböndin illa?