Nektarmynd af frönsku forsetafrúnni boðin upp
Setja bókamerki
Nektarmynd, sem tekin var árið 1993 af Cörlu Bruni, forsetafrú Frakklands, verður boðin upp hjá Christie's í apríl en á þessum tíma starfaði Bruni sem fyrirsæta.
Það var ljósmyndarinn Michel Comte, sem tók myndina. Þar sést Bruni standandi og líkir eftir fyrirsætum á myndum franska málarans George Seurat.
Milena Sales, talsmaður Christie's, sagði að ekkert væri óeðlilegt við að selja nektarmyndir af núverandi forsetafrú. Um væri að ræða listaverk, smekklega nektarmynd sem tekin væri af þekktum og virtum listamanni.
„Christie's stendur við þau verk sem fyrirtækið býður viðskiptavinum sínum. Það ritskoðar ekki eða fellir dóma um innihald eða viðfangsefni. Þetta er mjög virðulegt listaverk," sagði Sales.
Myndin er úr safni sem inniheldur einnig verk eftir ljósmyndarana Helmut Newton, Herb Ritts, Richard Avedon og Leni Riefenstahl. Gert er ráð fyrir að myndin seljist fyrir allt að 4 þúsund dali á uppboðinu 10. apríl, jafnvirði um 310 þúsund króna.
Börn hafi engan rétt á leikskólakennslu
Úlfar: Heppileg tímasetning á gosinu
Yfir 300 stæði fóru undir hraun
Hluti bílastæðis undir hraun: Ómögulegt að meta tjón
„Erum í miðri hrinu“: Styttist í Eldvörp
Hraunið náð Njarðvíkuræð: Fylgjast með raflínu
„Má segja að þetta gos hafi þjófstartað“
/frimg/1/53/7/1530787.jpg)
Flogið á milli ljósaskipta