Karlmenn með gula hanska

Rokkarinn Óttar Proppé, sem gengur jafnan undir nafninu Dr. Spock, flutti þrjú ný lög eftir Mugison á tónlistarhátíðinni Aldrei fór ég suður á Ísafirði um helgina með Karlakórnum Örnum. Guli hanskinn er einkennistákn doktorsins og eins og sjá má á myndinni brugðu nokkrir söngvara karlakórsins sér í gula hanska af þessu tilefni, minna mátti það ekki vera.

Hvort gulir uppþvottahanskar verða framvegis karlmennskutákn skal ósagt látið en ljóst að þeir eru ekki bara nytsamlegir til uppvasks.