Stóra planið frumsýnd á föstudag

Á föstudag verður frumsýnd ný íslensk kvikmynd sem ber heitið Stóra planið. Myndin er í leikstjórn Ólafs Jóhannessonar og það er Pétur Jóhann Sigfússon sem leikur aðalhlutverkið.

Pétur leikur Davíð sem er misskilinn handrukkari og listamaður. Hann missti ungur bróður sinn í bílslysi og hefur síðan leitað huggunar í Stóra planinu (e. The Higher Force), en það er ódýrt sjálfsvarnarmyndband sem telur honum trú um að endurteknir ósigrar hans séu aðeins undirbúningur fyrir verulega stórbrotið hlutverk síðar í lífinu.

Meðal annarra leikara í myndinni eru Eggert Þorleifsson, Ingvar E. Sigurðsson,  Benedikt Erlingsson, Ilmur Kristjánsdóttir, Stefan Schaefer
Michael Imperioli, Lu Yu og  Zlatko Krickic.

Stóra planið er frumsýnd 28. mars í Sambíóunum Álfabakka, Kringlunni, Keflavík, Akureyri og Selfossi.

Vefsíða myndarinnar. 

• 3 blogg um fréttina

Bloggað um fréttina

• Sigríður Jónsdóttir: Langar að sjá hana
• Kristinn Jón Bjarnason: Geta heyrnarlausir horft á myndina Stóra planið?
• Ómar Ingi: Sjáiði þessa snilld