Richard Widmark látinn

Hollywood-leikarinn Richard Widmark er látinn 93ja ára að aldri eftir að hafa háð langvinna sjúkdómsbaráttu. Widmark var afar afkastamikill í Hollywood, en hann lék oft í glæpamyndum og vestrum.

Fram kemur á fréttavef breska ríkisútvarpsins að frumraun hans á hvíta tjaldinu hafi verið árið 1947 í kvikmyndinni Kiss of Death.

Widmark gerði garðinn frægan í myndum á borð við Night and the City, Pickup on South Street og vestranum Broken Lance.

Leikarinn lést á heimili sínu í Connecticut sl. mánudag að því er AP-fréttastofan segir.

• 4 blogg um fréttina

Bloggað um fréttina

• Markús frá Djúpalæk: Eitt af þessum andlitum
• Haraldur Haraldsson: Richard Widmark látinn!!!!!
• Stefán Friðrik Stefánsson: Richard Widmark látinn
• Níels A. Ársælsson.: kiss of death