Robin Williams að skilja

Leikarinn Robin Williams er að skilja við eiginkonu sína Marsha Garces Williams. Hún sótti um skilnað og ástæðan er ósættanlegur ágreiningur.

Þau hafa verið gift í 19 ár og eiga tvö uppkomin börn. Þau kynntust þegar Williams var giftur fyrri eiginkonu sinni Valerie og var Marsha þá starfandi sem fóstra þeirra. Þau giftust árið 1989, fáeinum mánuðum eftir að Williams skildi við fyrri eiginkonu sína. Williams og Marsha unnu oft saman, m.a. framleiddi hún myndirnar Mrs. Doubtfire og Patch Adams og saman stofnuðu þau kvikmyndafyrirtækið Blue Wolf Productions og hafa verið virkir þátttakendur hjá og stuðningsaðilar Doctors Without Borders eða Læknar án landamæra, að því er fram kemur á kvikmyndavefnum IMDB.

• 1 blogg um fréttina

Bloggað um fréttina

• Snorri Bergz: Óásættanlegur ágreiningur?