Madonna endurgerir Casablanca

Madonna hyggst framleiða og leika í endurgerð af hinni sígildu kvikmynd Casablanca þar sem Humphrey Bogart og Ingrid Bergman fóru með aðalhlutverk. Madonna hyggst taka að sér hlutverk Ilsu Lund, sem Bergman lék í upprunalegu útgáfunni og flytja sögusviðið til Íraks í nútímanum.

Eftir því sem ónefndur innanbúðarmaður í kvikmyndaiðnaðinum tjáði breska dagblaðinu The Daily Mail er Madonna harðákveðin í að koma verkefninu í framkvæmd en undirtektir hafa verið dræmar. „Það skilur enginn af hverju hún vill endurbæta mynd sem margir telja þá bestu sem gerð hefur verið.“