Campbell handtekin á Heathrow

Ofurfyrirsætan Naomi Campbell var handtekin á Heathrow flugvelli í dag, og er gefið að sök að hafa skyrpt á lögregluþjón. Þetta er ekki í fyrsta sinn sem fregnir berast af því, að Campbell veitist að fólki.

Talsmaður lögreglunnar í London vildi einungis segja, að kona hefði verið handtekin á vellinum grunuð um árás á lögregluþjón. Ekki liggur fyrir hvort atvikið átti sér stað í flugstöðinni, eða um borð í flugvél.

Í fyrra játaði Campbell, sem er 37 ára, að hafa hent farsíma sínum í þjónustustúlku er þær deildu um gallabuxur sem fyrirsætan saknaði. Var Campbell þá dæmd til að gegna samfélagsþjónustu og sækja reiðistjórnunarnámskeið.

Naomi Campbell. Reuters

• 4 blogg um fréttina

Bloggað um fréttina

• Hvíti Riddarinn: Í járnum með Campbell
• Ella mannvera Ronja Chihuahua og Lilo Boxer/Labrador: Letterman hissa
• Anna Guðný : Reiðistjórnun, framhaldsnámskeið.
• Ómar Ingi: Hún var handtekinn inní flugstöðinni , fann ekki eina töskuna …