Stríðinn Clooney

Bandaríski leikarinn George Clooney er mikill hrekkjalómur og nýtur þess að kvelja aukaleikara í kvikmyndatökum. Clooney segist hafa látið leikara í lítilvægum hlutverkum kvikmyndarinnar Good Night, and Good Luck velta sér upp úr leðju fyrir atriði í myndinni sem hann ætlaði sér aldrei að nota, en Clooney leikstýrði þeirri mynd.

„Ég lét þá vinna þremur eða fjórum dögum lengur og sagði þeim að við yrðum að taka aftur upp leðjuatriðið. Ég greiddi þeim laun fyrir tæpa viku,“ segir Clooney. Leikararnir hafi þurft að veltast um í stóru keri fullu af leðju og þeim svo verið tilkynnt að atriðið væri óþarft.

Nýjasta mynd Clooney ber nafnið Leatherheads, eða Leðurhausar, og segir í henni af ruðningsleikmönnum árið 1925. Renee Zellweger leikur í myndinni sem ku vera rómantísk gamanmynd. Clooney leikur í myndinni, leikstýrði sum sé sjálfum sér.