Með þrjár í takinu?

Sá orðrómur er nú á kreiki að Bítillinn fyrrverandi Sir Paul McCartney sé með þrjár konur í takinu samtímis. McCartney mun um þessar mundir vera í fríi með bandarísku samkvæmisljónynjunni Nancy Shevell í Karíbahafinu en þó er ekki langt síðan hann var orðaður við leikkonuna Rosanna Arquette og fyrrum ólympíuknapa Tanya Larrigan. Ónefndur vinur McCartney lét hafa það eftir sér á dögunum að McCartney héldi öllum möguleikum opnum og hann væri alls ekki á því að steypa sér í alvarlegt samband. Hann vilji einungis vera á meðal vina og skemmta sér. Hann sé ennþá í góðu sambandi við Arquette og þau hafi nokkrum sinnum átt samverustund yfir rómantískum kvöldverði. Þriðja konan er svo eins og áður sagði Tanya Larrigan en hún er dóttir gamals vinar McCartneys. Sagan hermir að hún hafi verið honum bæði stoð og stytta á þeim tíma sem McCartney gekk í gegnum erfiðan skilnað sinn við Heather Mills.