Íslensk unglingahljómsveit vann lagasmíðakeppni

Unglingahljómsveitin Soundspell fór með sigur af hólmi í ungmennaflokki í alþjóðlegri lagasmíðakeppni. Fá piltarnir m.a. að launum fimm vikna skólavist í sumar í Berklee tónlistarskólanum í Boston.

Fram kemur á Sandgerðisvefnum 245.is, að yfir 15 þúsund lög bárust í keppnina og í lok janúar var Soundspell tilkynnt að þeir væru komnir í undanúrslit í sínum aldursflokki með tvö lög af plötunni An Ode to the Umbrella. Viku síðar voru þeir komnir í 13 laga úrslit með lagið sitt Pound og í vikunni var piltunum tilkynnt að þeir væru sigurvegarar í flokki unglinga.

Á vefnum kemur fram að strákarnir í Soundspell hafi æft á elliheimili, í líkamsræktarstöð og bílskúr.  Þeir séu allir í námi, Alexander Briem söngvari sé á leiklistabraut í Kvikmyndaskóla Íslands, Áskell bassaleikar stundi nám í MH og FíH, Siggi píanóleikari sé í Kvennaskólanum í Reykjavík, Jón Gunnar gítarleikari í Verslunarskóla Íslands og Benni trommuleikari  í Fjöltækniskólanum.

245.is

• 2 blogg um fréttina

Bloggað um fréttina

• Gísli Blöndal: Frábær frammistaða hjá efnilegum tónlistarmönnum
• Aðalsteinn Baldursson: Til hamingju með þetta.