Penn hjónin hætta við skilnað

Leikaraparið Sean Penn og Robin Wright Penn hafa farið fram á það við dómara í San Francisco í Bandaríkjunum að skilnaðarferli þeirra verði stöðvað en hjónin sóttu um skilnað í desember á síðasta ári. 

Sögusagnir hafa gengið um það í Hollywood að Penn hafi viljað allt til vinna til að endurvinna ástir konu sinnar og nýlega sáust þau saman á tónleikum Eddie Vedder í Berkeley í Kaliforníu. Á tónleikunum tileinkaði tónlistarmaðurinn þeim eitt laga sinna og vísaði til þeirra sem mjög sérstakra hjóna. 

Penn og Wright gengu í hjónaband árið 1996 og eiga tvö börn á unglingsaldri.

• 1 blogg um fréttina

Bloggað um fréttina

• Siggan: Allt er gott sem endar vel