Veitingastaðurinn Orange formlega opnaður í kvöld

Orange, nýr veitingastaður og kokkteilbar, var formlega opnaður í húsi Hafnarbúða í kvöld.  Fullt hús gesta var við opnunina og segja eigendur Orange, Einar Magnús Halldórsson og Þórarinn Eggertsson að Orange bjóði gestum sínum upp á nýja upplifun á mat og drykk. 

„Matreiðslumenn eldhússins, Orange Lab. leika sér að helíum, fljótandi köfnunarefni og fleiri efnum úr lotukerfinu til þess að framreiða mat á nýjan og spennandi hátt," segja Einar og Þórarinn og bæta við að hugmyndin á bak við Orange sé að upplifunin skili sér jafnt í skemmtun sem og bragði.
 
Orange er við Geirsgötu 9, í gömlu Hafnarbúðinni við Reykjavíkurhöfn.

• 2 blogg um fréttina

Bloggað um fréttina

• Hvíti Riddarinn: Ég verð þarna allar helgar....
• Hallmundur Kristinsson: Veljum íslenskt