Kemur nakin fram

Bandaríska leikkonan Lindsay Lohan hefur boðist til að koma nakin fram á hvíta tjaldinu og það fyrir aðeins 75.000 dollara, sem nemur um 5,5 milljónum króna. Búist er við því að Lohan muni leika kynóða gengilbeinu í lítilli kvikmynd sem er í bígerð og hefur hlotið nafnið Florence.

Framleiðendur myndarinnar vildu að Lohan færi úr að ofan fyrir framan kvikmyndatökuvélarnar, en leikkonan unga krafðist þess að fá að fara úr hverri spjör til þess að sanna hversu þroskuð leikkona hún sé orðin. Stutt er síðan Lohan birtist lesendum New York tímaritsins nakin á myndum sem minna áttu á þekktar myndir af Marilyn Monroe.