Ivana Trump á leið í hnapphelduna í kvöld

Ivana Trump, fyrrum eiginkona kaupsýslumannsins Donald Trump, er að ganga í hjónaband á ný í kvöld. Væntanlegur eiginmaður Ivönu er ítalskur athafnamaður, Rossano Rubicondi og fer brúðkaupið fram á setri Donalds Trump á Palm Beach á Flórída. Trump er meðal gesta í veislunni ásamt börnum hans og Ivönu. Donald og Ivana skildu árið 1990.

Meðal þeirra 600 gesta sem væntanlegir eru í brúðkaupið eru foreldrar Parisar, Rick og Kathy Hilton, og tónlistarmaðurinn Neil Sedaka.

Ivana, sem er 59 ára að aldri, og Rubicondi, sem er 36 ára, eru búin að vera saman í sex ár en þau trúlofuðu sig í september á síðasta ári.

• 4 blogg um fréttina

Bloggað um fréttina

• Snorri Bergz: Að vera með Trump á hendi
• Markús frá Djúpalæk: Að vera boðið...
• Linda litla: Hún er 59 ára og hann er 36 ára.
• hofy sig: Jahá