Paul Simon heldur tónleika í Laugardalshöll

Paul Simon mun halda tónleika í Laugardalshöll þann 1. júlí næstkomandi.  Paul er best þekktur fyrir að vera annar hluti dúettsins Simon & Garfunkel, sem gerðu lög á borð við Sound Of Silence, Mr. Robinson, Homeward bound, The Boxer, America og Bridge Over Troubled Water, en Paul samdi öll þessi lög sem og flest önnur lög dúettsins. 

Í tilkynningu frá tónleikahaldara segir að með Paul í för verði einvalalið hljóðfæraleikara en Paul Simon er þekktur fyrir að safna að sér bestu mönnunum í faginu hvert sinn.

Miðasala á tónleika Paul Simon hefst þriðjudaginn 15. apríl.

• 4 blogg um fréttina

Bloggað um fréttina

• Helga Guðrún Eiríksdóttir: KONUR!
• hofy sig: Klikkað fjör
• Björg Árnadóttir: Ellismella sumarið mikla
• Markús frá Djúpalæk: Húrra...