Litar Clooney hárið?

George Clooney er farinn að íhuga alvarlega að lita hárið á sér. Hefur hann áhyggjur af því að gráu hárin geri sig aldraðan útlits. „Hárið á mér er of grátt, alltof grátt!“

„Ég verð að íhuga hvort ég eigi að láta lita það. Ég er búinn að velta því mikið fyrir mér undanfarið. Fyrst ætla ég að lita augabrúnirnar, bara til að sjá hvernig það kemur út. Svo tek ég hárið smám saman,“ sagði Clooney.

En hann segist ekki vera í neinni miðlífskreppu.

„Ég verð 47 ára í maí. En ég er ekki enn kominn í neina miðlífskreppu. Ef út í það er farið, þá er ég 46 ára og þekki ekki marga sem eru 92 ára, þannig að kannski er ég kominn yfir miðja ævina og þar með hættuna á miðlífskreppu.“

„Ég hef alltaf reynt að leggja áherslu á góðu hlutina í lífinu og njóta þeirra, því að það eru svo ótal leiðir til að finna þá slæmu.“

• 2 blogg um fréttina

Bloggað um fréttina

• Markús frá Djúpalæk: Miðlífskreppa?
• Villi Asgeirsson: Er vinkonan of ung? Sjáum til...