Kohl að gifta sig aftur

Helmut Kohl, fyrrum kanslari Þýskalands, ætlar brátt að giftast unnustu sinni, Maike Richter. Talsmaður skrifstofu kanslarans fyrrverandi vildi ekki upplýsa hvenær brúðkaupið verði en blaðið Bild segir að Kohl hafi þegar skýrt fjölskyldu sinni og vinum frá þessu og muni ganga í það heilaga eins fljótt og unnt er.

Kohl, sem er 78 ára, er enn að jafna sig eftir meiðsli sem hann fékk þegar hann datt í húsi sínu í Ludwigshafen í febrúar.

Þau Kohl kynntust árið 2005, fjórum árum eftir að Hannelore, eiginkona Kohls, framdi sjálfsmorð árið 2001. 

• 1 blogg um fréttina

Bloggað um fréttina

• Guðbjörn Guðbjörnsson: Einn af þeim sem sat aðeins ...