Cynthia Nixon með brjóstakrabbamein

Cynthia Nixon er með brjóstakrabbamein og hefur barist við það í leynd, þar til nú. Leikkonan greindist með meinið árið 2006 og vildi hún halda því leyndu fyrir almenningi.

„Ég hélt þessu leyndu af því að ég vildi ekki fá ljósmyndara á sjúkrahúsið,“ sagði Nixon í sjónvarpsþættinum Good Morning America. Góðu fréttirnar eru þær að krabbameinið greindist snemma og fljótlega var hægt að heyja baráttuna. Móðir Nixon greindist með brjóstakrabbamein og náði að sigrast á því og lifir góðu lífi í dag.

„Ég fer í aðgerð fljótlega og það á að fjarlægja meinið. Eftir það tekur við rúmlega 6 vikna geislameðferð. Mamma mín gekk einnig í gegnum þetta og ég á eftir að ná mér alveg,“ sagði leikkonan.

• 2 blogg um fréttina

Bloggað um fréttina

• Ómar Ingi: Hún er nú orðin nokkurs konar sendiherra fyrir konur með …
• Stefán Friðrik Stefánsson: Að lifa með krabbameini