Stór afmælisgjöf

Breska leikkonan Emma Watson fékk hvorki meira né minna en 10,5 milljónir punda, um 1,5 milljarða íslenskra króna, í afmælisgjöf þegar hún varð 18 ára á þriðjudaginn. Watson, sem er þekktust fyrir hlutverk sitt sem Hermione Granger í myndunum um Harry Potter, varð fjárráða þegar hún varð 18 ára, og fékk því aðgang að því fé sem hún hefur unnið sér inn. Hún segist ætla að leggja peningana inn á banka, og fara svo á námskeið um hvernig sé best að höndla slíka fjármuni.