Potter of flókinn
Setja bókamerki
Robert Patterson, dómari í máli höfundar Harry Potter-bókanna, J.K. Rowling, gegn útgáfufyrirtæki alfræðirits um Potter, Harry Potter Lexicon, lét þau ummæli falla í dómsal í vikunni að hann ætti erfitt með að halda þræði í sögum Rowling af galdrastráknum.
Hann hefði lesið helming fyrstu bókarinnar um Potter fyrir barnabörn sín og þótt hún ruglingsleg, nöfn persóna skrítin og mikið af bulli í textanum. Því væri ef til vill nauðsynlegt að hafa alfræði- eða uppflettirit um Potter við höndina.
„Mér fannst hún afar flókin,“ sagði dómarinn, hann hefði ekki getað lagt á minnið nöfn persóna eða hugtaka í bókinni.
Rowling vill að lögbann verði sett á alfræðiritið því það brjóti á höfundarrétti hennar. Höfundur ritsins, Steven Vander Ark, brotnaði saman fyrir rétti fyrr í vikunni og sagðist hafa haft gott eitt í huga við gerð bókarinnar. Rowling hefur lagt það til að Ark endurskrifi bókina og þá án þess að afrita texta úr bókum hennar um Potter. Hún sé alls ekki á móti bókinni sem slíkri, aðeins vinnubrögðum Ark.
Dómarinn leggur til að Rowling, Ark og bókaforlagið leysi málin í næði og utan dómstóla. Annað gæti kostað áralöng málaferli.
Bregðast við: Framtíð Grænlands „ræðst í Nuuk“
Hóflega bjartsýn á að samningar náist
Þingmenn stjórnarflokkanna funda á Þingvöllum
Tveir fluttir á sjúkrahús eftir rútuslys við Hellu
Rannsókn lögreglu á banaslysi aftur hjá ákærusviði
Miklar rakaskemmdir og mygla í Lögbergi
Ráðin til að rýna í rekstur skólans