Vináttan orðin þvinguð

Vinátta þeirra Viktoríu Beckham og Katie Holmes er orðin þvinguð vegna vinfengis þeirrar fyrrnefndu við Evu Longoriu og Kate Beckinsale, sem Viktoría lítur nú á sem sína nánustu í Hollywood.

Eftir að Viktoría og Davíð fluttu til Los Angeles í fyrra varð fljótt mikill og náinn vinskapur með þeim og Katie og Tom Cruise.

En nú herma fregnir að Katie sé verulega ósátt við hve miklum tíma Viktoría verji með Evu og Kate.

Fulltrúi Viktoríu hafnaði þessum sögusögnum þó alveg, og benti á að hún og Davíð hefðu snætt kvöldverð með Tom og Katie á veitingastað í Santa Monica á föstudagskvöldið til að halda upp á 34 ára afmæli Viktoríu. 

• 4 blogg um fréttina

Bloggað um fréttina

• Brjánn Guðjónsson: Er í alvöru til fólk...
• Anna Guðný : Bara abbó.
• Ragnar Gunnarsson: Hvað á þetta að þýða?
• Heimir Lárusson Fjeldsted: Mér er orða vant.