Lohan missir stjórn á skapi sínu

Fregnir herma að Lindsay Lohan hafi húðskammað Ashley Olsen, sem vogaði sér að tala við vinkonu Lohan á skemmtistað í New York um daginn.

Eins og fram hefur komið í fjölmiðlum gengur sú saga nú fjöllum hærra að Lohan sé dottin í það.

Heimildamaður tjáði dagblaðinu New York Post að vinkona Lohan, Samantha Ronson, hafi vakið mikla athygli sem plötusnúður og það hafi Lohan ekki líkað.

Þegar svo Ashley kastaði kveðju á Ronson á skemmtistaðnum virtist Lohan nóg boðið og jós Ashley svívirðingum og rak hana burtu frá vinkonu sinni.

Skapstjórn Lohans var lítið skárri strax næsta kvöld, þegar hún lenti í hávaðarifrildi við Ronson og sakaði hana um að sýna sér ekki næga athygli.

Fregnir herma að Lohan hafi reyndar breytt nafni sínu á Facebook í Lindsay Ronson, og er Lohan var í meðferð í fyrra mun hún hafa skrifað Ronson ástarbréf og sagst vilja giftast henni og eignast börn með henni.

• 2 blogg um fréttina

Bloggað um fréttina

• Sigurbjörn Friðriksson: Gott að fá að fylgjast með þessu.
• Markús frá Djúpalæk: Huh!