Jennifer Lopez með raunveruleikaþátt

Leik- og söngkonan Jennifer Lopez er komin með raunveruleikaþátt. Myndavélar munu fylgjast náið með lífi söngkonunnar sem hefur í nógu að snúast. Þetta kemur fram á kvikmyndavefnum IMDB.

Það er ekki nóg fyrir Lopez að vera bæði söng- og leikkona. Einnig er hún að reyna að koma nýjum ilm á laggirnar og svo auðvitað er hún nýbökuð móðir tvíburanna Max og Emme. Lopez sinnir hlutverki framleiðanda einnig og eru þættirnir framleiddir fyrir kapalstöðina TLC.   

„Ég hlakka mikið til að deila þessu ferðalagi með fólki,“ sagði Angela Shipiro, forstjóri TLC.  „Jennifer býr yfir mikilli ástríðu og hún á eftir að verða frábær fyrirmynd“.