Eins og venjulegt fólk

Leikkonan Renee Zellweger segist hafa sérstaklega gaman af því þegar fólk er dónalegt við hana. Þá líði henni eins og hún sé alveg eins og allir hinir.

Hún nefnir starfsfólk flugfélaga sérstaklega í þessu sambandi og segist vilja láta koma fram við sig eins og hvern annan farþega.

„Ég veit að það hljómar skringilega, en mér finnst það dásamlegt þegar flugfreyjur eru andstyggilegar við mig, Þær eru einfaldlega í vondu skapi og vita ekkert að ég þekki Tom Cruise og þess vegna eru þær bara eins og venjulega.“

En stundum átta flugfreyjurnar sig á því hver hún er og það líkar Zellweger ekki. „Það er svo vandræðalegt þegar þær koma aftur ag biðjast afsökunar og segjast ekki hafa þekkt mig.“