Kutcher er illa við skartgripi og ilmvötn

Leikaranum Ashton Kutcher er illa við það þegar eiginkona hans Demi Moore notar ilmvatn og skartgripi.  

Kutcher veitir eiginkonu sinni áminningu ef hún óhlýðnast. “Finni ég lykt af ilmvatni og við erum ekki að kela, þá er hún að nota of mikið af því,” sagði leikarinn. Hann bætti við að sér fyndist að konur sem notast við mikið af skartgripum líta ekki út fyrir að eiga mikið af peningum. Þær líta út fyrir að vera duglegar að eyða annarra manna peningum.  

Einnig fer það í taugarnar á Kutcher ef eiginkonan klæðist buxum. Það er ekki nógu kvenlegt að hans mati. “Ég kalla þetta Hillary Clinton útlitið. Hún myndi líta betur út ef hún færi úr buxnadragtinni og myndi líkja eftir Jackie Kennedy,” sagði Kutcher.

• 2 blogg um fréttina

Bloggað um fréttina

• Jenný Anna Baldursdóttir: Karlrembusvín í fullum blóma
• Þorsteinn Gunnarsson: Hvað karlmanni er ekki meinilla við ilmvatn?