Undir fölsku flaggi

Leikkonan Jennifer Aniston hefur skráð sig á einkamálavef undir fölsku nafni til þess að freista þess að ná sér í kærasta. Í auglýsingunni segist hún vera hjúkrunarfræðingur og birtir mynd með sem hún fann í pöntunarlista.

„Hún vill kynnast manni án þess að hann viti að hún sé fræg leikkona. Hún er forvitin hvaða viðbrögð hún fær við auglýsingunni,“ sagði heimildarmaður tímaritsins Grazia. „Hún valdi mynd af konu sem er á svipuðum aldri og hún, en ekki nein sérstök fegurðardís. Jennifer fannst hún hafa fallegt bros. Allar upplýsingar í auglýsingunni eru eins nálægt sannleikanum og hægt er án þess að hún komi upp um sig. Ef einhver svarar sem henni líst vel á, ætlar hún að skýra málið.“