Brúðkaupsveislan endaði með slagsmálum

Brúðhjón, sem m.a. skemmdu hljóðfæri hljómsveitarinnar sem lék í brúðkaupsveislunni, hafa játað á sig sakir og samþykkt að greiða skaðabætur. 

Brúðkaupsveislan var haldin í Port Chester í New York í byrjun apríl. Vandræðin hófust þegar brúðurin var ósátt við lagaval hljómsveitarinnar og skeytti skapi sínu á hljóðnema og bongótrommum. Lögreglan var kvödd til og handtók konuna og sömuleiðis brúðgumann og 21 árs gamla dóttur þeirra, sem reyndu að hindra lögregluna í störfum sínum. Á endanum þurfti lögreglan að beita rafstuðbyssum til að yfirbuga fjölskylduna.

Brúðurin sat í sex daga í fangelsi vegna málsins og hefur nú verið dæmd til í viku fangelsi og til að greiða sektir og bætur. Feðginin hafa einnig játað á sig sakir.

Brúðhjónin giftu sig hjá dómara árið 1986 en þótti tímabært að innsigla gott hjónaband í kirkju nú í vor.  

• 8 blogg um fréttina

Bloggað um fréttina

• Jóhannes Ragnarsson: Þegar fangaklefarnir við Hverfisgötu fylltust af brúðkaupsgestum
• Hvíti Riddarinn: Uss, maður er kannski að fara í þennan pakka..
• Aðalsteinn Baldursson: Öðruvísi veisla.
• hofy sig: Minnir mig á!
• Frikkinn: Skrautlegt brúðkaup
• Bergur Thorberg: Upphitun
• Haraldur Bjarnason: Greinilega þarfaþing þessar rafstuðsbyssur
• Brynjar Jóhannsson: Frumlegasta brúðkaupsferð sem vitað er um.