Winehouse hættir við upptökur á titillagi Bond-myndar

Amy Winehouse og framleiðandi hennar, Mark Ronson, hafa hætt við fyrirhugaða upptöku á flutningin hennar á titillagi nýju James Bond myndarinnar, því að Amy er óvinnufær.

Ronson segir að Amy sé „ekki í ástandi til að taka upp tónlist.“ Kveðst hann byrjaður á að taka upp lagið fyrir Bond myndina, Quantum of Solace, en það þurfi „vísindalegt kraftaverk“ til að hægt verði að ljúka upptökunni.

Amy hefur sem kunnugt er átt í erfiðleikum undanfarið vegna fíkniefnaneyslu, og lent í útistöðum við lögreglu og eiginmann sinn, Blake Fielder-Civil, sem situr í fangelsi.

Í síðustu viku fékk Amy formlega áminningu frá lögreglunni eftir að hún lenti í ryskingum við tvo menn er hún var úti að skemmta sér.

• 2 blogg um fréttina

Bloggað um fréttina

• Helga Guðrún Eiríksdóttir: Hæg er leið til helvítis - hallar undan fæti
• Ómar Ingi: Villikötturinn AMY W