Britney fær aukinn umgengnisrétt

Britney Spears fékk í dag aukinn umgengnisrétt við syni sína tvo, en faðir þeirra, Kevin Federline, mun áfram hafa fullt forræði, að sögn lögmanns Federlines að loknu réttarhaldi sem fram fór fyrir luktum dyrum í Los Angeles í dag.

Lögmaðurinn sagði að í auknum umgengnisrétti Britneyjar fælist viðurkenning á því að hún hefði tekið framförum.

Fréttamönnum var meinað að fylgjast með réttarhöldunum. Óvenju rólegt var við dómshúsið er Britney kom þangað í fylgd foreldra sinna, lögmanna og fleiri, miðað við atganginn í aðdáendum hennar, fréttamönnum og ljósmyndurum, sem einkennt hefur fyrri komur hennar í dómssalinn.

Britney kemur til réttarins í dag. AP

• 2 blogg um fréttina

Bloggað um fréttina

• Hallgrímur Guðmundsson: Hvað er svona merkilegt
• Linda litla: Látið hana í friði !!