Hilmir Snær og Benedikt ríða í bæinn

Í tilefni af 100 ára afmæli hestaréttar Thor Jensens að baki
Fríkirkjuvegi 11 hyggjast tveir þjóðfrægir leikarar og hestamenn ríða hestum sínum í bæinn og æja dagpart í hinni  fornu hestarétt sem Thor Jensen reisti fyrir 100 árum.

Leikararnir Benedikt Erlingsson og Hilmir Snær Guðnason vilja þannig vekja athygli á þessu gamla búsetulandslagi í hjarta borgarinnar sem verður 100 ára nú í sumar.

Í fréttatilkynningu sem þeir sendu frá sér segir:
„En einnig viljum við vekja athygli á þeim lífsgæðum sem þetta svæði 
hefur veitt kynslóðum barna í Þingholtunum.

Hestaréttin sem í daglegu tali hefur verið kölluð Litli Halló hefur
veitt  sjaldgæfa möguleika á  athafnafrelsi  til handa ungmennum og 
börnum í miðborginni.
Litli Halló hefur því verið vinsæll leikvöllur fyrir fjölbreytt starf 
barna með tilheyrandi hrópum og köllum, kofa smíði og boltaleikjum.

Í tilefni af sölu Reykjavíkurborgar á Fríkirkjuvegi 11 viljum við 
minna borgarfulltrúa á að tryggja áfram þannig aðgang að 
hestaréttinni og að starfsemi nýs eiganda taka tillit til 
barnamenningarinnar í hverfinu.

Við undirritaðir munum halda af stað ofan úr hestahúsahverfinu í 
Gusti í Kópavogi um kl  11 og  ríða sem leið liggur til sjávar og svo 
eftir ströndinni fyrir Kópavog og Fossvog og með suðurhlíðum 
Öskjuhlíðar sunnan Valsheimilisins og yfir Hringbraut á móts við 
Hljómskálagarðinn og þaðan inn í Hallargarð.
Við reiknum með að vera komnir í hestaréttina kl 13 00 og viljum 
gjarnan standa fyrir máli okkar þar á meðan við beitum hrossunum á 
nýgræðinginn."

• 4 blogg um fréttina

Bloggað um fréttina

• Ía Jóhannsdóttir: Flottir strákar á fráum fákum
• Stefán Helgi Valsson: Hallargarðurinn er gott leiksvæði fyrir börn
• Dofri Hermannsson: Börn eða bílastæði
• Benedikt Sigurðarson: Settu upp hjálminn nafni minn!