Meat Loaf aldrei aftur til Íslands?

Það er ekki útlit fyrir að nokkurn tíma verði hægt að fá Meat Loaf í tónleikaferðalag til Íslands aftur, þar sem hann þvertekur nú fyrir að halda tónleika í köldu loftslagi.

Meat Loaf er sextugur. Hann segir í viðtali við kanadíska blaðið Globe and Mail að fyrrverandi framkvæmdastjóri sinn - sem nú hefur verið rekinn - hafi bókað tónleika í Kanada í febrúar í fyrra.

„Ég sagði við hann: Það má ekki undir nokkrum kringumstæðum bóka mig neinstaðar þar sem er kalt á veturna. Og svo var mér sagt að ég hefði verið bókaður í Kanada í febrúar. Ég sagði bara: Eigum við ekki bara að fara og syngja fyrir mörgæsir?“

Meat Loaf - sem var skírður Marvin Lee Aday - sagðist hafa fengið slæma nefholusýkingu undir lok tónleikaferðalagsins í Kanada í fyrra, og hefðu síðustu tónleikarnir, sem haldnir voru í Ottawa, verið hræðilegir.

„Mig langaði bara til að grafa hausinn í sandinn. Eða öllu heldur snjóinn.“

Meat Loaf - eða Kjöthleifur eins og hann var einhverntíma nefndur á íslensku - kom hingað til lands og hélt tónleika í október 1987, og var þá góður rómur gerður að söng hans.

• 7 blogg um fréttina

Bloggað um fréttina

• Guðjón Sigþór Jensson: Má treysta því?
• Jóhannes Ragnarsson: Ómerkilegur þorpari
• Þórður Guðmundsson: Mér er alveg sama!
• Jenný Anna Baldursdóttir: Munið þið eftir honum?
• Hvíti Riddarinn: Greinilega mikill húmoristi á ferð
• Stefán Friðrik Stefánsson: Meat Loaf vill ekki fara í svala goluna á Fróni
• Hvassorð: Meat Loaf og Ísland.