Lohan rekin

Framleiðendur kvikmyndar um bandaríska fjöldamorðingjann Charles Manson hafa ákveðið að bandaríska leikkonan Lindsay Lohan muni ekki taka þátt í verkefninu. Upphaflega stóð til að Lohan léki stórt hlutverk í myndinni, sem hefur hlotið nafnið The Manson Girls. Þegar aðrir leikarar í myndinni harðneituðu að vinna með Lohan tóku framleiðendur hennar þessa ákvörðun. Lohan, sem er 21 árs gömul, skrifaði undir samning um að leika í myndinni í mars, en tökur á henni eiga að hefjast í Los Angeles í júlí.