Skeggið skemmir

Ashton Kutcher segist ekki vera eins kynþokkafullur og venjulega þegar hann er með skegg. Þetta sagði kappinn í spjallþætti Ellen DeGeneres þar sem umfjöllunarefnið var vera Kutchers á lista yfir 100 kynþokkafyllstu menn heims. Þegar Ellen sýndi áhorfendum mynd af Kutcher sagði hann: „Þarna var ég ekki með skegg. Þegar það fer að vaxa er ég ekki eins kynþokkafullur.“

Kutcher sagði þó að eiginkona hans, leikkonan Demi Moore, væri á því að hann væri kynþokkafyllsti maður heims, hvort sem hann væri skeggjaður eða skegglaus.