Íslendingar kynna sig í Belgrad

Meðlimir Eurobandsins þeyttust frá einu Evrovision-samkvæminu í annað í gærkvöldi í miðborg Belgrad. Það er stór liður í kynningarstarfseminni áður en keppnin hefst að sýna sig og sjá aðra í slíkum samkvæmum sem eru haldin á skemmtistöðum af öllum stærðum og gerðum. Keppendur troða upp og sitja fyrir hjá ljósmyndurum.

Farið var í fullum herklæðum í rútu um miðborgina og skemmtistaðir sem leigðir voru af hinum ýmsu löndum til að kynna lögin sín fyrir Eurovision voru heimsóttir í stutta stund, nægjanlega lengi til að láta mynda sig með öðrum stjörnum. 

Það fór vel á með þeim Regínu Ósk, Friðriki Ómari og grísku söngkonunni Kalomiru sem hittust í einu slíku samkvæmi í gærkvöldi. Regína Ósk gaf Kalomíru geisladisk.

Farið var niður í sveitta litla skemmtistaði jafnt sem stórar sýningahallir á stærð við Laugardalshöllina. 

Kalormina tók lagið í gærkvöldi. mbl.is/Dagur

• 2 blogg um fréttina

Bloggað um fréttina

• Snorri Bergz: Íslendingar í Belgrad
• Markús frá Djúpalæk: Eurovision