Evróvisjónstemmning á barnum

Eurobandið tók lagið á píanóbar hótelsins sem þau gista á eftir strembinn dag í fjölmiðlafárinu í Belgrad og er óhætt að segja að þau hafi rifið upp góða evróvisjónstemmningu með gömlum evróvisjónlögum.

Á barnum voru meðal annars norski hópurinn, bosníska gengið og hollenska grúppan og tók norska söngkonan Maria lagið með þeim Friðriki Ómari og Regínu Ósk, að sjálfsögðu var það La det svinge, hið fræga evróvisjónlag sem færði Norðmönnum heim sigurinn á sínum tíma sem þau tóku saman.

Í kvöld stendur íslenski hópurinn fyrir boði og söngskemmtun á skemmtistaðnum Magacin Club sem er á árbakkanum og er reiknað með að margir keppendur og útsendarar fjölmiðla láti sjá sig þar.