Framlag Íslands kynnt á næturklúbbi

Íslenski Euroband hópurinn kynnti framlag íslands fyrir blaðamönnum í næturklúbbnum Magacin Club á árbakka í Belgrad í kvöld. Guðmundur Árni Stefánsson, sendiherra, og Slobodan Micic buðu gesti velkomna áður en hópurinn steig á svið og skemmti gestum.  

Mikið stuð er á fólkinu á klúbbnum og troðningur er út að dyrum. Ásamt því að kynna framlag Íslands söng Eurobandið gamla Eurovision slagara á borð við Gleðibankann og Waterloo.  

Á staðnum eru fleiri keppendur. Hin athyglisverða Evdokia Kadi frá Kýpur sem syngur lagið Femme Fatale lét sig ekki vanta og brátt mun Simon Matthew, sem keppir fyrir hönd Danmerkur, stíga á svið og skemmta áhorfendum.

mbl.is/Dagur

• 3 blogg um fréttina

Bloggað um fréttina

• Brjánn Guðjónsson: Íslendingar áttu flottasta róbótann
• Le Betiz: Regína tæki Friðrik
• Reynir Andri: Tanaðir metro dvergahommar