Cherie Blair útskýrir óvænta þungun sína

Cherie Blair, eiginkona Tonys, fyrrverandi forsætisráðherra Bretlands, segir m.a. frá því hvernig á því stóð að þau hjónin eignuðust sitt fjórða barn alveg óvart eftir heimsókn til Elísabetar drottningar 1999.

Í nýútkominni sjálfsævisögu, „Speaking for Myself,“ segir Cherie frá því þegar þau hjónin fóru í heimsókn í sumardvalarstað drottningar, Balmoral-kastala í Skotlandi.

Cherie segir að hún hafi ekki tekið með sér getnaðarvarnir því að árið á undan hafi slíkt komið í ljós í farangri hennar á fremur vandræðalegan hátt „ásamt ýmsu öðru sem skal látið ónefnt.“

„Eins og venjulega var ferlega kalt þarna norðurfrá og eitt leiddi af öðru og ... en svo var ég viss um að þetta gæti ekki verið, ég væri orðin of gömul, þetta hlytu að vera tíðahvörfin.“ 

Cherie segir ennfremur að ef til vill muni einhverjum verða brugðið út af því að hún - sem hafi kallað sig góða, kaþólska stúlku - skuli nota getnaðarvarnir.

En getnaðarvarnir séu mikilvægar fyrir konur og ein ástæða þess hvernig líf kvenna hafi breyst með því að þær hafi getað farið að stjórna barneignum sínum sjálfar.

• 3 blogg um fréttina

Bloggað um fréttina

• Mofi: Trúir þá Cherie ekki að páfinn sé óskeikull?
• Jóna Kolbrún Garðarsdóttir: Ekki er nútíminn að vinna með kaþólikkum.
• Steinn Hafliðason: Hvað þarf að útskýra