Svíar sigurstranglegastir samkvæmt könnun BBC

Framlag Svía til Eurovision er sigurstranglegast í keppninni í ár, samkvæmt niðurstöðum könnunar sem BBC gerði í Evrópulöndum. Í öðru sæti varð Úkraína, þá Sviss og síðan Serbía.

Einn Eurovison-áhugamaður í hverju Evrópulandi tók þátt í könnuninni og gaf 12-1 stig þeim tíu keppendum sem honum þóttu bestir, með sama hætti og stigagjöfin er í keppninni sjálfri.

Síðan var stigunum safnað saman og fékk hin sænska Charlotte Perrelli 245 stig, eða 62 stigum meira en framlag Úkraínu.

Ísland er í áttunda sæti, með 99 stig.

Listi BBC

• 3 blogg um fréttina

Bloggað um fréttina

• Le Betiz: Hvernig væri að fara að syngja á íslensku?
• hofy sig: Skrítið!
• Brynjar Jóhannsson: Ég vona að Ísland falli strax út.