Eurovisionhátíð á Dalvík

Mikil Eurovisionhátíð verður á Dalvík á morgun en Friðrik Ómar, annar flytjandi íslenska lagsins í söngvakeppni evrópskra sjónvarpstöðva, er frá Dalvík. Hefur ráðhús bæjarins verið skreytt í tilefni dagsins og klukkan 18 verður gengin skrúðganga frá ráðhúsinu að íþróttahúsinu þar sem fylgst verður með undankeppninni á sjónvarpsskjá.

Á föstudag verður 10 ára afmæli Dalvíkurbyggðar fagnað með formlegum hætti og á laugardag heldur Eurovisionhátíðin áfram, svo framarlega sem Ísland komist áfram í lokakeppnina. 

• 1 blogg um fréttina

Bloggað um fréttina

• Júlíus Garðar Júlíusson: Rétt slóð á stuðningsmyndbandið...spennan magnast.