Arðbært konungleg brúðkaup

Öll erum við veik fyr­ir ást­um og ör­lög­um hinna kon­ung­bornu enda vek­ur það yf­ir­leitt mikla at­hygli þegar kónga­fólk geng­ur í það heil­aga. Marg­ir Sví­ar bíða nú eft­ir því að til­kynnt verði um brúðkaup þeirra Vikt­oríu krón­prins­essu og lík­ams­ræktar­frömuðar­ins Daniel Westling sem hafa verið par í nokk­ur ár. Talið er að brúðkaup þeirra gæti orðið það dýr­asta í sögu Svíþjóðar, kostnaður­inn gæti hlaupið á tug­um millj­óna sænskra króna, en jafn­framt hið arðsam­asta.

Tíma­ritið Diego hef­ur látið reikna út fyr­ir sig hver arðsemi brúðkaups­ins yrði og er niðurstaðan sú að tekj­urn­ar af brúðkaupi myndu hlaupa á millj­örðum. Þannig er bú­ist við að um 200 millj­ón­ir sænskra króna fengj­ust í tekj­ur af gist­i­rým­um, sala á vör­um tengd­um brúðkaup­inu myndi skila 2,5 millj­örðum og fjöldi túrista í Stokk­hólmi sem ekki myndu koma ella er tal­inn verða um 12 þúsund. Slíkt myndi skila um 30 millj­örðum sænskra króna í tekj­ur til versl­un­ar­manna.