„Dávaldur“ með í för

Spenna fyrir síðari forkeppni Evróvisjón í Serbíu fer vaxandi, en fyrst á svið er hið íslenska Euroband sem flytur lagið This is my Life. Friðrik Ómar segir stuðning þjóðarinnar skipta mestu máli og vonar að sjálfsögðu að lagið komist áfram í aðalkeppnina.

10 lönd komust áfram í fyrri forkeppninni sem fram fór í fyrrakvöld, en fulltrúar 19 þjóða taka þátt í forkeppninni í kvöld. Aðalkeppnin verður svo haldin á laugardagskvöldið.

Eiginkona söngvarans og tónlistarmannsins Grétars Örvarssonar er í íslendingahópnum, en hún hefur beitt andlegum aðferðum, nokkurs konar dáleiðslu, til að hafa góð áhrif á Friðrik Ómar. Hann segir að allur hópurinn muni koma saman í dag – og hún með.

Gangi allt upp ætlar söngfólkið og aðstoðarmenn þess að fagna í kvöld, en hóflega þó. Að því loknu ætlar það að hefja undirbúning fyrir lokasprettinn.

• 4 blogg um fréttina

Bloggað um fréttina

• Guðmundur Bergkvist: Austur-Evróvisjón á fimmtudögum
• Magnús Geir Guðmundsson: Ingibjörgu já ýmislegt til lista lagt!
• Jenný Anna Baldursdóttir: Ég er norn
• Markús frá Djúpalæk: Stórhættulegt