Ísland 11. í röðinni á laugardag
Setja bókamerki
Ísland verður 11. landið í töfluröðinni í úrslitum Eurovision söngvakeppninnar í Belgrad á laugardag. Þar keppa 25 þjóðir. Friðrik Ómar og Regína Ósk sögðu á blaðamannafundi, sem nú stendur yfir í Belgrad, að þau væru afar glöð og ánægð með að vera komin í úrslitin.
Auk 20 landa, sem komust áfram í undankeppnunum tveimur í vikunni, taka Serbar, sem unnu á síðasta ári, og Bretar, Frakkar, Spánverjar og Þjóðverjar þátt í úrslitakeppninni en þessar fjórar þjóðir eiga þar föst sæti.
Ef marka má veðbanka munu Íslendingar eiga erfitt uppdráttar í úrslitakeppninni. Flestir virðast veðja á sigur Rússa og að Serbar, Úkraínumenn, Grikkir og Svíar komi þar á eftir.
Einn veðbankinn, VC Bet, býður upp á einskonar Norðurlandamót og þar eru Svíar taldir sigurstranglegastir, þá Norðmenn, Finnar og Íslendingar og Danir reka lestina.
Kristín kjörin nýr umboðsmaður Alþingis
Tókst ekki að sanna orsakasambandið
131 milljón frá erlendum manni: Gjöf eða lán?
/frimg/1/32/47/1324721.jpg)
Rannsókn í byrlunar- og símamáli felld niður
„Mig langar að vara ykkur við“
Sanna borgarfulltrúi vill á þing
Ekki öll fyrirtæki sek