Brúðarmeyjan mætir ekki

Bróðir Marie Cavalliers, sem klukkan þrjú í dag að íslenskum tíma mun ganga í hjónaband með Jóakim Danaprinsi, hefur afboðað komu sína og tveggja dætra sinna í brúðkaupið. Til stóð að önnur dætranna yrði brúðarmeyja. Þetta kemur fram á fréttavef Jyllands-Posten.

Ekki hefur verið greint frá því hver verður brúðarmeyja í  stað stúlkunnar eða hver ástæða afboðunarinnar er.

Mikil spenna er í Mogeltonder á sunnanverðu Jótlandi vegna brúðkaupsins en um 400 fjölmiðlamenn eru komnir í bæinn til að fylgist með því auk 300 gesta. Gestalistinn hefur ekki verið birtur en vitað er að Viktoría krónprinsessa Svía og kvikmyndaleikarinn Roger Moore verða á meðal gesta. 

Það hefur þó verið töluvert gagnrýnt í Danmörku að fjölmiðlar munu ekki hafa aðgang að brúðkaupsveislunni sem haldin er á kostnað danskra skattborgara í kvöld.