Samnorrænn kærleikur í Belgrad

Danski keppandinn í Evróvisjón Simon Mathew sagði í spjalli við Fréttavef Morgunblaðsins að það væri engin samkeppni milli Norðurlandaþjóðanna, þær styddu hver aðra. Hann var sérstaklega hrifinn af norsku söngkonunni, Maríu sem hann segir hafa einstaka sönghæfileika.

„Það hljómar asnalega þegar ég segi það, en það er engin samkeppni, norsku stúlkurnar hafa verið einstaklega indælar við mig og við höfum haft það huggulegt saman," sagði Mathew og stúlkurnar tóku undir það.

„Ég heyrði þær syngja í garðveislu hjá norska sendiherranum beint og órafmagnað og að mínu mati var það ákaflega flott hjá þeim," sagði Mathew og breyttist í áleggið í samnorrænu faðmlagi er stúlkurnar föðmuðu hann á milli sín til að leggja áherslu á kærleikann á milli þeirra. 

• 1 blogg um fréttina

Bloggað um fréttina

• Brjánn Guðjónsson: Stóðlífi í Beograd