Dansiball bara fyrir einhleypa

„Nei, það eru ekki all­ir bún­ir að vera með öll­um, en það hafa þó ein­hverj­ir meðlim­ir byrjað sam­an,“ seg­ir Hulda Birna Blön­dal, meðlim­ur í Sóló­klúbbn­um, fé­lags­sam­tök­um ein­hleypra á Íslandi 30 ára og eldri, sem halda ball fyr­ir ein­hleypa á skemmti­staðnum Primo í Kefla­vík á laug­ar­dag­inn.

Nýj­ung á Íslandi

„Ég man ekki til þess og ekki held­ur þeir sem ég hef ráðfært mig við. Ein­hvern tím­ann verður allt fyrst. Það er auðvitað spurn­ing hvenær viðkom­andi er ein­hleyp­ur og hvenær ekki, en við miðum við sam­búð, það er auðveld­ast þannig.“

Sam­tök­in voru stofnuð form­lega 17. fe­brú­ar 2007 upp úr fé­lags­skap ein­stæðra mæðra.

Hlut­verk klúbbs­ins er, að sögn Huldu Birnu, ekki endi­lega að finna hverj­um og ein­um fé­lags­manni lífs­föru­naut, held­ur að hafa ofan af fyr­ir þeim með alls kyns fé­lags­starf­semi. „Við hitt­umst á hverj­um sunnu­degi á Kaffi Katalínu í Kópa­vogi frá 14 til 16. Þá för­um við einnig í fjall­göng­ur, sund­ferðir, bíó­ferðir, leik­hús­ferðir, pöbbarölt, höld­um grill­veisl­ur og allt hvað eina,“ seg­ir Hulda Birna og býður blaðamanni inn­göngu þar sem sár­lega vant­ar fleiri karl­menn. „Kynja­hlut­fallið er helst til of ójafnt, þar sem mun fleiri kon­ur eru í klúbbn­um.“ (Blaðamaður þurfti eng­ar frek­ari for­töl­ur og skráði sig sam­stund­is).

• 2 blogg um frétt­ina

Bloggað um frétt­ina

• Linda litla: Loks­ins sam­tök fyr­ir mig ;o)
• Gunn­hild­ur H. Blön­dal: Hvet alla!